దత్తపది - 1

"అక్క - అన్న - వదిన - మామ" అనే పదాలను ఉపయోగిస్తూ  

రావణునకు మండోదరి చేసిన హితబోధను తెలుపుతూ  

నచ్చిన ఛందస్సులో పద్యం వ్రాయటం 

(25.06.2012)

అక్కట! నాశనకారణ
మిక్కాంతను దెచ్చుటన్న నీయమ నీకున్
దక్కదు  నీవది నమ్మిన
నక్కఱపడు  మామకీనమౌ వాక్యంబుల్.

కంది - పెసర - సెనగ - మినుము
పై పదాలను ఉపయోగిస్తూ  నచ్చిన ఛందస్సులో
పార్వతీకళ్యాణము గురించి పద్యం .

(07.05.2013) 

కాంత ముఖమది సిగ్గున కందియుండ
నందరాపె సరణులకు నబ్బురపడ
శివుడు ముడివేసె, నగజాత శిరసువంచె
వరుస మినుముట్టె జయజయ ధ్వానమపుడు.

గిరిజ పెండ్లి నాడు ధరణీధరుండంత
కంది పెసర సెనగ లందముగను
మినుములాదు లింక మేలైన పప్పులన్
వంటలందు గూర్చె వైభవముగ.